Yasamal Rayon İcra Hakimiyyəti Abbas Mirzə Şərifzadə küçəsi 182 ünvanında yerləşən beşmərtəbəli binanın zirzəmisində aparılan tikinti işləri ilə bağlı açıqlama verib.

İcra hakimiyyətindən bildirilib ki, həmin ünvanın mülkiyyət sənədləri mövcuddur və mülkiyyətçi şəhid ailəsidir.

"Vətən müharibəsində şəhid olmuş əsgərlərimizin ailələrinə dəstək olmaq və onların sosial durumunu yaxşılaşdırmaq bir dövlət siyasətidir və biz bu siyasəti icra edirik.Ümidvarıq anlayışla qarşılayacaqsınız", - məlumat qeyd olunub.

Qeyd: Dövlət Şəhərsalma və Arxitektura Komitəsi isə zirzəmidə tikinti aparılmasının qanunsuz olduğunu bildirib.