Keçən il respublika üzrə fəaliyyət göstərən 46 tibb müəssisəsində xəstələrin qidalanma rejiminin müvafiq normaların tələblərinə uyğun təmin olunması ila bağlı yoxlamalar keçirilib, 8 tibb müəssisəsində aşkar edilən ciddi pozuntularla bağlı hüquqi qiymət verilməsi üçün materiallar hüquq mühafizə orqanlarına göndərilib.

Bakufakt.az Azmedia.az saytına istinadən xəbər verir ki, bu, Nazirlər Kabinetinin 2021-ci ildə fəaliyyəti haqqında hesabatda əks olunub.

Qeyd olunub ki, 25 tibb müəssisəsinin məsul şəxsləri yol verdikləri pozuntularla bağlı inzibati məsuliyyətə cəlb edilib, ümumilikdə 49 min manat cərimə tətbiq olunub.

Həmçinin ötən il respublikanın müxtəlif şəhər və rayonlarında monitorinqlər nəticəsində 307 uşaq bağçasında 1 748 nöqsan halı aşkarlanaraq 82 min manat cərimə tətbiq edilib.