Zaqatalada 60 yaşlı qadın bədbəxt hadisə nəticəsində ağır xəsarət alıb.

Bakufakt.az-ın məlumatına görə, hadisə axşam saatlarında rayonun Muxax kəndində baş verib. Kənd sakini, 1962-ci il təvəllüdlü Aşurey Abdusalam qızı Qədirova ailəsinə məxsus fındıq bağında həyat yoldaşı ilə təmizlik işləri aparan zaman bədbəxt hadisə ilə üzləşib. 

A.Qədirova fındıq ağacının ətrafını təmizləyən zaman həyat yoldaşı yaxınlıqda otbiçən aqreqatla işləyirmiş. Bu zaman işlək vəziyyətdə olan otbiçən aqreqatın bıçağı A. Qədirovanın sağ yuxarı ətrafın  bazu və dirsək  nahiyəsindən kəsib.  Hadisə zamanı ağır xəsarət alan A. Qədirovaya Zaqatala Rayon Mərkəzi Xəstəxanasında ilkin yardım göstərildikdən sonra müayinə və müalicəsini davam etdirmək üçün Bakı şəhərindəki xəstəxanalardan birinə göndərilib