Gürcüstanın baş naziri İrakli Qaribaşvili keçmiş prezident Mixail Saakaşvilinin Rusiyaya qarşı döyüşmək niyyətində olduğunu bildirib.

Bakufakt.az  Rusiya KİV-ə istinadən xəbər verir ki, baş nazir onun bu ilin payızında ölkəyə qayıtmağının səbəbini açıqlayıb:

“Saakaşvili Ukraynada hərbi əməliyyatların baş verəcəyi təqdirdə Rusiyaya qarşı ikinci cəbhə açmaq niyyətində idi. Konkret məlumat var idi ki, Ukraynada müharibə ötən ilin noyabr və ya dekabrında başlamalı idi. Məhz Saakaşvili bura gəldi ki, ikinci cəbhənin açılması üçün hər şey hazır olsun”.