Qardaşı bir qrup şəxs tərəfindən amansızlıqla döyülən vətəndaş Gülnar Quluzadə  kömək üçün  Prezident İlham Əliyevə  və Birinci vitse-prezident Mehriban Əliyevaya müraciət edib. O, redaksiyamıza daxil olan müraciətdə  bildirib ki, 7 ay əvvəl Zərdabın sabiq  icra hakimiyyəti başçısı olmuş Lütvəli Babayevin qardaşı oğulları  Babayev Yadigar, Babayev Telman ve Babayev Həsən, eləcə də onların 4 dostu tərəfındən qardaşı Qədirzadə Rəvan amansızlıqla döyülüb.

Nəticədə qardaşının iki qabırğası sınıb ve digər ağır bədən xəsarətləri alib:"Mən qardaşımı onların əlindən almaq istəyəndə, onlar mənə də  yumruq ve təpik zərbələri endiriblər.  Hər ikimiz tibbi ekspertizaya müraciət edərək həkim ekspert rəyi almışıq. Bundan başqa, hadisə yerində müşahidə kameraları var. Buna baxmayaraq, kamera görüntüləri hansısa səbəbdən tədqiqatçı Ramiz Pənahov tərəfindən gizlədilir və həkim  ekspert rəyi dəyişdirilib.

Nərimanov rayon Polis İdarəsinin müstəntiqi Nərmin Məmmədova işimizə əsassız şikayət adi ilə xitam verdirib. Qarşı tərəf yüksək vəzifəli şəxslər vasitəsilə ədalətin bərpa olunmasına mane olacağını deyir. Prosesin belə gedişi həmin vəzifəli şəxslərini məsələyə müdaxilə etdiyini və qanuni araşdırmaya mane olduğunu söyləməyə əsas verir". Müraciət müəllifi bildirib ki,  hazırda iş Nərimanov rayon Məhkəməsində hakim Xalidə Əlisoyun icraatındadır: "Məhkəmə prosesı bilərəkdən uzadılır və bu məsələyə də müdaxilə edilir.

Ümid edirəm ki,  işin ədalətli araşdırılması və günahkarların cəzalandırılmasını üçün qanunvericiliyin verdiyi bütün imkanlardan istifadə edilməsi barədə göstəriş veriləcək".

Bakufakt qarşı tərəfin mövqeyini  tanıyır

https://vt.tiktok.com/ZSrRYp11P/