07.01.2025-ci il tarixində Abşeron Mərkəzi Xəstəxanasında yaşanan hadisə ölkənin səhiyyə sistemindəki dərin problemləri bir daha üzə çıxardı.

Belə ki, xəstə təcili yardıma qəbul edilmədiyi üçün yolda vəfat edib. Bu isə xəstəxanada idarəetmə boşluqlarının və tibbi xidmətin çatışmazlığının bariz göstəricisidir. Daha təəssüf doğuran məqam isə Səhiyyə Nazirliyinin, TƏBİB-in bu faciəvi hadisəyə dair hər hansı araşdırma aparmamasıdır.

Xəstəxanadakı problemlər, tibbi personalın iş şəraiti, etik qaydalara riayət edilməməsi və idarəetmədəki ciddi nöqsanlar uzun müddətdir ki, göz ardı edilir. Səkinə Sadıqovanın rəhbərliyi altında həyata keçirilən "kadr islahatları" nəticəsində yüzlərlə təcrübəli tibb işçisi işdən çıxarılıb ki, bu da xəstəxananın fəaliyyətini daha da zəiflədib. Bu hadisə Səhiyyə Nazirliyinin, TƏBİB-in və digər aidiyyəti qurumların səhiyyə sahəsindəki ciddi problemlərə laqeyd yanaşdığını və həll yollarını tapmaq üçün lazımi tədbirlər görmədiyini açıq şəkildə nümayiş etdirir.

Belə ciddi səhiyyə məsələləri Səhiyyə Nazirliyi, TƏBİB  tərəfindən görməzdən gəlinməməlidir. Bu, təkcə Abşeron Mərkəzi Xəstəxanasına aid bir problem deyil, bütövlükdə ölkənin səhiyyə sistemindəki genişmiqyaslı çatışmazlıqların göstəricisidir. Əgər bu vəziyyətə təcili müdaxilə olunmazsa, gələcəkdə daha faciəvi nəticələr qaçılmaz olacaq. Səhiyyə Nazirliyi və TƏBİB bu məsələyə dərhal reaksiya verməli, hadisəni hərtərəfli araşdırmalı və lazımi islahatları həyata keçirməlidir.

www.bakufakt.az

https://youtube.com/shorts/cE1fitwnopM?si=4oqkPASoFivGp74R