Azad Media Susdurula Bilməz!
Azərbaycanda hakimlər ögey qızını zorlamaqda təqsirləndirilən şəxsin işini araşdırmaqdan imtina etdilər
KRİMİNAL

Azərbaycanda hakimlər ögey qızını zorlamaqda təqsirləndirilən şəxsin işini araşdırmaqdan imtina etdilər

Qeyri-rəsmi yaşadığı qadına əzab verməkdə, onun azyaşlı qızını zorlamaqda, adam oğurluğunda və digər maddələrlə təqsirli bilinərək 15 il azadlıqdan məhrum edilmiş Seymur Şahalıyev barəsində hökm yuxarı instansiyada ləğv edilib.

Bakı Apellyasiya Məhkəməsi hökmdə qanun pozuntuları müəyyən edib, yenidən araşdırılması üçün Bakı Ağır Cinayətlər Məhkəməsinə qaytarıb.

Həmin pozuntular sırasında işə baxan hakim Azad Məcidova etirazın qəbul edilməməsi və ibtidai istintaq dövründə təqsirləndirilən şəxsin hüquqlarının pozulması kimi məsələlər var idi.

Geri qayıdan cinayət işi bu dəfə hakim Rasim Sadıxovun icraatına verilib. Hazırlıq iclasında müdafiə tərəfi işdəki pozuntuları sadalayıb, hakim dəyişikliyindən başqa, digərlərinin qaldığını deyib.

Hakim heyəti müdafiə tərəfi ilə razılaşıb, işi araşdırmaqdan imtina edib. Qərara əsasən, qanun pozuntularının aradan qaldırılması məqsədilə iş ibtidai araşdırmaya prosessual rəhbərliyi həyata keçirən prokurora qaytarılıb.

Bu müddət ərzində təqsirləndirilən şəxs barəsində seçilmiş həbs qətimkan tədbiri qüvvədə saxlanılıb.

Qeyd edək ki, Cinayət Məcəlləsinin 15-dən artıq maddəsi ilə ittiham edilən S.Ömərov özünü təqsirli bilmir.

"Bakufakt.az"

Reklam ADS