Azərbaycandakı saxta diplomlu həkimlərlə bağlı paylaşımlar etdikdən sonra  İnstagram hesabı bağlanan jurnalist Qənirə Ataşova səhifəsini geri qaytara bilib.

Bakufakt.az bildirir ki, bu barədə jurnalist öz İnstagram hesabında məlumat verib və tezliklə izləyicilərin görüşünə gələcəyini deyib.

Tanınmış tele-aparıcı Nigar Mahmudova bununla bağlı paylaşımında qeyd edib:

“Qənirə Ataşovanın İnstagram səhifəsi açıldı. Məsələyə beynəlxalq təşkilatlar qarışıb. Bu barədə təfərrüatları özü açıqlayacaq”.

Xatırladaq ki, bir müddət öncə Azərbaycan səhiyyə sistemindəki problemlərlə bağlı paylaşdığı yazılar səbəbindən Qənirə Ataşovanın hesabına hücum edilmişdi. Bu üzdən, o, paylaşımlarını müvəqqəti olaraq Facebook üzərindən aparırdı.