Barəsində ailəsi tərəfindən itkin düşmüş kimi 102 xidmətinə və Nizami rayon 24-cü polis bölməsinə müraciət olunan Bakı sakini Həsənova Nəzrin Zaur qızı müraciət yayıb. Müraciətdə bildirilir ki, ailəsi onun guya itkin düşməsi barədə dəfələrə Bakının ayrı-ayrı rayonlarının poli bğlmələrinə, sonunci dəfə isə Nizami rayon 24-cü polis bölməsinə və eləcə də 102 xidmətinə müraciət edib: “Halbuki sevdiyim şəxslə birlikdə getdiyimi, rəsmi nikah üçün müraciət etdiyimizi, aprelin 12-də rəsmi nikah mərasimimizin olacağını bilir. Bu barədə məlumatlı olmalarına baxmayaraq, guya mənim itkin düşdüyüm barədə hüqiq -mühafizə orqanlarına yalnış məlumat verirlər. Bildirirəm ki, itkin hesab edilə bilmərəm,  hazırda heç bir həyati təhlükəm yoxdur, normal şəraitdə və normal şərtlər daxilində yaşayıram. Rəsmi nikah üçün müracətimiz qəbul edilib və aprelin 12-də nikahımız kəsiləcək. Həddi-buluğa çatmağım və harada olmağım barədə ailəmi əvvəlcədən məlumatlandırmağıma baxmayaraq, onlar hüquq-mühafizə orqanlarını məşğul edir, onlara mənimlə bağlı yanlış informasiya verirlər”.
Xatırladaq ki, bir müddət əvvəl Həsənova Nəzrin ailəsinin ona qarşı zor tətbiq etməsiylə bağlı kömək üçün daxili işlər naziri Vilayət Eyvazova müraciət edib. 
“Bakufakt.az”