Bir qrup Özbəkistan vətəndaşı ABŞ-nin Ohayo ştatının Sinsinnati şəhərində polis əməliyyatının mərkəzi fiqurantlarına çevriliblər.

Bakufakt.az  xarici mediaya istinadla xəbər verir ki, gənc özbəklərr Paycor stadionuna qanunsuz keçməkdə və qanunsuz küçə yarışları təşkil etməkdə ittiham olunaraq həbs ediliblər.

Hüquq-mühafizə orqanlarının məlumatına görə, hadisə stadionun dayanacağında baş verib, sürücülər təhlükəli manevrlər ediblər, drift də daxil olmaqla tryuklarla məşğul olublar. Təkər izləri və yol səthinin zədələnməsi polisin müdaxiləsinə səbəb olub.

Qanunsuz şounu dayandırmaq və xuliqanlıq edənlərin qaçış yollarını bağlamaq üçün polis hava əməliyyatlarını əlaqələndirmək üçün dronlardan istifadə edib, mümkün çıxışları bağlayıb.

Saxlanılanlar arasında özbək əsilli oğlanlar və qızlar var. Saxlanılanların hamısı saxlama mərkəzinə aparılıb. Məhkəmə iclası zamanı onlar günahsız olduqlarını bildiriblər. Məhkəmə hər biri üçün 2500 dollar girov pulu təyin edib. Xuliqanlıq edənlərin nəqliyyat vasitələri polis tərəfindən müsadirə edilib və cərimə meydançasına aparılıb.

Yerli hakimiyyət orqanları qeyd edir ki, Sinsinnati son zamanlar qanunsuz küçə yarışlarına və küçə "ələ keçirmələrinə" qarşı mübarizəni gücləndirir və bu da daha sərt qanunvericiliyin hazırlanmasına gətirib çıxarıb.

Ekspertlər vurğulayırlar ki, miqrantlarla bağlı bu cür hadisələr ictimaiyyətin diqqətini daha çox cəlb edir və bu da xaricdəki vətəndaşların qəbul etdikləri ölkələrin qanunlarına ciddi şəkildə riayət etmələrini xüsusilə vacib edir.

Bu, özbək sürücülərinin Amerika yollarında xuliqanlıq etməsi ilə bağlı ilk hal deyil. Əvvəllər də özbək sürücülər ABŞ-nin magistral yollarında səs-küylü şoular təşkil ediblər.