"Ay batdı, il batdı, oyan artıq Röya bitdi, mən gəldim sənin ömrünə" mahnısı ilə gəldim... Düşünürəm ki, bunu demək mənim üçün çox iddialı oldu. Mənim üçün meydan oxumaq tez idi. Şou-biznesin içinə girdikcə, gördüm ki, oradakı qaydalarla oynaya bilməyəcəm. Gördüm iç dünyam uzlaşmır. Filirləşdim ki, elə yol seçməliyəm mane olan adamlar olmasın. Həmin mahnıdan sonra konsertlərdə siyahıdan adım silinirdi. Özümə düşmən qazandım".

SHOWXEBER.AZ xəbər verir ki, bu sözləri müğənni Xatun Əliyeva "Özəl" proqramında deyib. O, sənətə gəldiyi illəri xatırlayaraq, oxuduğu mahnının ona maneçilik törətdiyini bildirib:

"O vaxt cangüdənlə gəzən ilk ifaçı oldum. Pul xərcləyirdim və nəticəni tez görmək istəyirdim. Amma bunu illər göstərməlidir".

Oğlundan danışan Xatun "Evdə anam və oğlum mənə Nərgiz deyə müraciət edir. Oğluma əvvəl öyrətmişdim ki, "ana" deməsin. Sonra adımı dəyişdim, Xatun etdim. İndi artıq mənə "ana" deyir. Deyirəm, biz dostuq. Deyir yox, mənim anaya ehtiyacım var" sözlərini əlavə edib