AZƏRBAYCAN RESPUBLİKASININ BAŞ PROKURORUNA
AZƏRBAYCAN RESPUBLİKASININ DAXİLİ İŞLƏR NAZİRİ cənab Vilayət Eyvazova
AZƏRBAYCAN RESPUBLİKASI DAXİLİ İŞLƏR NAZİRLİYİNİN BAŞ MÜTƏŞƏKKİL CİNAYƏTKARLIQLA MÜBARİZƏ İDARƏSİNİN RƏHBƏRLİYİNƏ
ŞİKAYƏT ƏRİZƏSİ
Mən, Rəşad B, bildirirəm ki, həyatım və sağlamlığıma qarşı törədilmiş ağır xarakterli cinayət hadisəsi ilə əlaqədar aidiyyəti dövlət qurumlarına müraciət edirəm.
Belə ki, gecə saat 00:10 radələrində əvvəllər tanıdığım Roland Bayramov adlı şəxs və onunla birlikdə olan Sübhan Əzizov adlı şəxs yaşadığım ünvana gələrək qapının zəngini çalmış, məni yuxudan oyadaraq həyətə düşməyimi tələb etmişlər.
Mən həyətə düşdükdən sonra həmin şəxslər heç bir qanuni əsas və səbəb olmadan məni söymüş, ağır formada təhqir etmiş, öldürmə və fiziki zorakılıq xarakterli hədələr səsləndirmişlər. Daha sonra onların yanında olan təxminən 8 nəfər naməlum şəxslə birlikdə mənə qarşı fiziki zor tətbiq edərək məni zorla avtomobilə mindirməyə və naməlum istiqamətə aparmağa cəhd göstərmişlər.
Həmin şəxslərin hərəkətləri açıq şəkildə mənim iradəmdən kənar olaraq azadlığımdan məhrum edilməyimə və faktiki olaraq adam oğurluğuna yönəlmişdir. Yalnız müqavimət göstərərək onların əlindən qaçmağım nəticəsində yaxınlıqda yerləşən marketə sığınmış və mümkün ağır nəticələrin qarşısını ala bilmişəm.
Lakin buna baxmayaraq, qeyd olunan şəxslər məni təqib etmiş, əllərində soyuq silah qismində istifadə edilə bilən küt alətlərlə mənə xəsarət yetirməyə çalışmışlar. Hadisə zamanı ailə üzvlərim ciddi psixoloji sarsıntı və qorxu keçirmiş, gecə saatlarında baş verən səs-küy və aqressiv davranışlar ətraf sakinlərin də narahatlığına səbəb olmuşdur.
Hazırda həmin şəxslərin mənim yaşayış ünvanımı bilmələri səbəbindən özümün və ailə üzvlərimin həyatı üçün real təhlükə mövcuddur. Onların gələcəkdə mənə qarşı yenidən zorakılıq törətmələri, ağır bədən xəsarəti yetirmələri və ya həyatıma qəsd etmələri ehtimalını ciddi hesab edirəm.
Hadisə zamanı istifadə olunan nəqliyyat vasitələrindən biri ağ rəngli BMW markalı avtomobil olmuş, digər avtomobil isə qara rəngdə olsa da markasını müəyyən edə bilməmişəm.
Xüsusilə qeyd edirəm ki, hadisəni təsdiq edən video-müşahidə kameralarının görüntüləri mövcuddur və həmin görüntülər cinayət hadisəsinin bütün iştirakçılarının müəyyən edilməsinə imkan verir.
Yuxarıda göstərilən halların Azərbaycan Respublikası Cinayət Məcəlləsinin aşağıdakı maddələrinin tərkib əlamətlərini yaratdığı qənaətindəyəm:
Maddə 29, 144 – Adam oğurluğuna cəhd;
Maddə 145 – Qanunsuz azadlıqdan məhrum etmə;
Maddə 221 – Xuliqanlıq;
Maddə 127 və ya 128 – Sağlamlığa qəsdən zərər vurmağa cəhd (istintaqla müəyyən ediləcək);
Maddə 134 – Öldürməklə və ya sağlamlığa ağır zərər vurmaqla hədələmə;
Hadisənin istintaq zamanı müəyyən ediləcək digər cinayət tərkibli əməlləri.
Yuxarıda qeyd olunanları nəzərə alaraq,
XAHİŞ EDİRƏM:
Hadisə üzrə dərhal cinayət işi başlanılsın və hərtərəfli istintaq aparılsın;
Roland Bayram, Sübhan Əzizov və hadisədə iştirak etmiş digər şəxslər müəyyən edilərək cinayət məsuliyyətinə cəlb olunsunlar;
Ərazidə yerləşən müşahidə kameralarının görüntüləri götürülərək cinayət işinə əlavə edilsin;
Hadisədə istifadə olunan avtomobillər müəyyən edilərək araşdırılsın;
Mənim və ailə üzvlərimin təhlükəsizliyinin təmin olunması üçün qanunvericiliklə nəzərdə tutulmuş mühafizə tədbirləri görülsün;
Müraciətimə Azərbaycan Respublikası qanunvericiliyinin tələblərinə uyğun hüquqi qiymət verilərək nəticəsi barədə mənə yazılı məlumat təqdim olunsun.
Ərizədə göstərilən məlumatların həqiqiliyinə görə məsuliyyət daşıdığımı bildirirəm.