
Avropa vizası üçün vətəndaşı aldadıb pulunu alan şirkət hansıdır?
Bakıda vətəndaşları xarici ölkəyə viza düzəltdirmək, oturum almaq adı ilə aldadaraq külli miqdarda pul mənimsəyən turizm şirkətləri var. Belə şirkətlərdən biri olan “Baku Work & Travel”-dir.
Redaksiyamıza müraciət edən Məmmədov Elxan Cənnətəli oğlu bildirib ki, sözügedən şirkətlə əvvəlcə Litvada oturum almaq üçün 5700 ödənilməsi barədə razılığa gəliblər. Ona bununla bağlı yazılı kağız da imzalatdırıblar. Sənəddə bildirilib ki, o, Litva oturumu üçün 5600 AZN ödəniş edəcək. Həmin vəsaitin 4700 manatı həmin gün ödənilib, qalan 1000 manat isə səfirliyə gedəndə ödənilməli imiş. Tərəflərin razılaşmasına görə, əgər şəxs getməkdən imtina edərsə, pula heç bir iddiası olmayacaq. Əgər şirkət ona lazım olan xidməti göstərə bilməyəcəksə, alınan vəsaiti geri qaytaracaq. Ancaq Litva oturumu düzəlməyib. Daha sonra Almaniyaya viza düzəltdirmək üçün razılığa gəliblər. Pulun ödənildiyinə dair hətta videoçəkiliş də aparılıb. Çəkilişdən də aydın olur ki, şikayətçi şirkətin nümayəndəsinə xidməthaqqı kimi 3700 AZN ödəyir, əvvəl isə 1000 ödəyib, daha 1000 AZN isə səfirliyə gedəndə ödəniləcək. Əgər verilən pulun müqabilində xidmət göstərilməzsə, 2 ay ərzində pul gedi qaytarılacaq.
Şikayətçi bildirib ki, şirkət ona vəd etdiyi xidməti həyata keçirə bilməyib, Litvada oturum, Almaniyaya viza almaq mümkün olmadığından, bu dəfə də onu Slovakiyaya viza düzəltmək adı ilə aldadıblar. Ancaq Slovakiya səfirliyi də ona viza verməkdən imtina edib və məlum olub ki, şirkətin səfirliyə təqdim etdiyi bütün sənədlər saxtadır: “Ötən il aprelində pulu verdim. Hətta mənə maşınımı da təcili satırdılar və əlimdə olan yeganə “çörək ağacım” da getdi. Mənə 5 minə qədər ziyan vurub. 2 övladım var, onları saxlamaqda çətinlik çəkirəm. Şirkətin rəhbərinin də Zabrat Hava Limanında işləyən Əliağa adlı şəxs olduğu deyilir. Pulu isə şirkətin Kənan adlı əməkdaşı alıb. İndi də deyir ki, pulu Əliağa ilə yarı bölmüşəm, amma mən buna inanmıram. Mənim pulumu qaytarmaqdan imtina edirlər”.
O bildirib ki, 1 ildir ödədiyi vəsaiti geri ala bilmir: “Şirkət bu gün də işləyir, pulu məndən alan şəxs də ofisdədir. Mən hüquq-mühafizə orqanlarından bu şirkətlə bağlı araşdırma aparılmasını, mənə dəyən ziyanın ödənilməsinin təmin olunmasını xahiş edirəm”.
“Bakufakt.az”
Qarşı Tərəfin mövqeyini dərc etməyə hazırıq.